𑢶𑢣𑢳𑢣 𑢴𑢢𑢥𑢣𑢼𑢢𑢬𑢩

𑢴𑣂𑣅𑣃𑣜𑣂𑣌𑣉𑣟𑣄 𑢯𑣂𑣓𑣗:- 𑢹𑣉𑣉 𑣙𑣃𑣔𑣁 𑣜𑣈𑣅𑣄 𑢴𑣉𑣜𑣉𑣖-𑣔𑣉𑣝𑣕𑣃𑣜, 𑢸𑣉𑣜𑣉𑣗-𑣘𑣉𑣓𑣆, 𑢮𑣉𑣓𑣉𑣖, 卐𑣀𑣔𑣂, 𑢫𑣉𑣓𑣉𑣈 𑣗𑣂𑣝𑣂𑣄- 𑣗𑣂𑣒𑣚 𑣜𑣈𑣅𑣄 𑣎𑣕𑣈-𑣘𑣜𑣏𑣂 𑣜𑣈 𑣖𑣁𑣓-𑣖𑣓𑣁𑣕𑣂𑣊 𑣜𑣌𑣁-𑣜𑣂𑣌𑣁𑣅, 𑣟𑣃𑣕𑣃𑣄-𑣟𑣉𑣕𑣉𑣄 𑣕𑣚𑣁𑣅, 𑣗𑣊𑣀𑣁-𑣗𑣃𑣜𑣃𑣌𑣉 𑣞𑣈𑣗𑣁-𑣝𑣛𑣁 𑣕𑣓𑣂𑢦 𑣋𑣈 𑢴𑣂𑣅𑣃𑣜𑣂𑣗𑣃 𑣖𑣈𑣕𑣆𑣅𑣁. 𑢴𑣂𑣅𑣃𑣜𑣂 𑣗𑣈𑣋𑣜 𑢴𑣉𑣜𑣉𑣖-𑣔𑣉𑣝𑣕𑣃𑣜, 𑣟𑣈𑣗𑣁-𑣝𑣛𑣁, 𑣙𑣉𑣜𑣁-𑣗𑣁𑣜𑣁 𑣖𑣓𑣁𑣕𑣂𑣊-𑣋𑣓𑣁𑣕𑣈𑣊 𑣁𑣑𑣉𑣄𑣁. 𑢼𑣂𑣊𑣋𑣁-𑣁𑣌𑣁𑣚, 𑢷𑣂𑣜𑣍𑣎𑣂, 𑢼𑣉𑣋𑣁-𑣎𑣃𑣋𑣂𑣅𑣁, 𑢵𑣉𑣜𑣉-𑣖𑣁𑣜𑣂, 𑣙𑣁𑣞𑣃-𑣔𑣃𑣌𑣃 𑣅𑣕𑣈 𑣙𑣜-𑣔𑣃𑣄𑣃𑣓 𑣝𑣈𑣅𑣁𑣀 𑣘𑣈𑣈𑣄 𑣖𑣈𑣓𑣄 𑢴𑣂𑣅𑣃𑣜𑣂𑣌𑣉 𑣕𑣙𑣄 𑣜𑣈𑣋𑣈. 𑢶𑣂𑣅𑣑 𑣙𑣁𑣕𑣃-𑣞𑣁𑣆 𑣜𑣈 𑣖𑣂𑣑𑣉𑣙 𑣋𑣈 𑢴𑣂𑣅𑣃𑣜𑣂𑢦 𑣕𑣆𑣓𑣁. 𑢴𑣂𑣅𑣃𑣜𑣂 𑣅𑣄 𑣌𑣖𑣂-𑣓𑣃𑣖𑣂, 𑣇𑣕𑣂𑣟𑣃𑣕𑣂 𑣌𑣒𑣗-𑣕𑣃𑣜𑣃𑣗 𑣕𑣈 𑣙𑣉𑣗𑣁𑣓𑣁. 𑢬𑣖𑣂-𑣓𑣃𑣖𑣂 𑣜𑣈 𑣉𑣀𑣑𑣉𑣄 𑣋𑣈 𑣔𑣈\𑣋𑣁𑣕𑣓 𑣙𑣉𑣉𑣌𑣉𑣉𑣌𑣉 𑣕𑣆𑣓𑣁. 𑢳𑣈𑣌𑣉𑣔𑣉 𑢮𑣉𑣖-𑣝𑣃𑣆𑣖, 𑢩𑣜𑣊-𑣟𑣌𑣉𑣿𑣁, 𑢫𑣉𑣄-𑣗𑣙𑣁𑣜𑣂, 𑢵𑣂𑣊𑣋𑣃-𑣋𑣉𑣉𑣖 𑣖𑣈𑣓𑣕𑣈𑣗𑣃 𑣖𑣈𑣕𑣁𑣌𑣉𑣟. 𑢴𑣂𑣅𑣃𑣜𑣂 𑣅𑣄 𑣘𑣆𑣒𑣂𑣌𑣉𑣔𑣉 𑣙𑣁𑣕𑣃-𑣞𑣁𑣆𑣌𑣉 𑣜𑣈 𑣗𑣂𑣝𑣂𑣄-𑣗𑣂𑣒𑣚𑣌𑣉 𑣜𑣈 𑣎𑣕𑣈-𑣘𑣜𑣏𑣂𑣆 𑣕𑣈𑣅𑣄 𑣖𑣈𑣓𑣄. 卐𑣀𑣔𑣂, 𑣓𑣖𑣁 𑣈𑣜𑣁 𑣋𑣊𑢠𑣂𑣆𑣕𑣓 𑣜𑣈 𑣟𑣌𑣂-𑣟𑣃𑣕𑣖 𑣕𑣉𑣚𑣕𑣓 𑣜𑣈 𑣜𑣁𑣝𑣂-𑢴’𑢨 𑣔𑣉𑣉𑣖𑣈𑣅𑣁. 卐𑣀𑣔𑣂 𑣜𑣈𑣅𑣄 ‘𑣗𑣈𑣔𑣂-𑣘𑣂𑣀𑣑𑣂𑣋𑣂’ 𑣗𑣆𑣂 𑣕𑣈𑣅𑣄 𑣙𑣁𑣟𑣁 𑣁𑣋𑣃𑣕𑣓 𑣜𑣈 𑢶𑣁𑣊-𑣗𑣃𑣜𑣃 𑣏𑣂 𑢫𑣆𑢠𑣝𑣂𑣜𑣂, 𑢴𑣈𑣝𑣇𑣚𑣂 𑣜𑣈 𑣜𑣁𑣝𑣂-𑢴’𑢨 𑣔𑣉𑣉𑣖𑣁𑣌𑣉Ù. 𑢹𑣁𑣕𑣃 𑢫𑣆𑢠𑣝𑣂𑣜𑣂, 𑢴𑣈𑣝𑣁𑣇𑣚𑣂 𑣜𑣈 𑣁𑣜𑣄 𑣟𑣁𑣀𑣑𑣂 𑣖𑣃𑣚𑣂 𑣑𑣁𑣚𑣂𑢦 𑣌𑣜𑣟𑣁𑣆𑣅𑣁. 𑢳𑣋𑣈-𑣈𑣜𑣁, 𑢷𑣂𑣓𑣔𑣂-𑣈𑣜𑣁𑣌𑣉, 𑢶𑣄-𑣓𑣖, 𑣏𑣚𑣃𑣄-𑣓𑣖, 𑢫𑣁𑣛𑣁 -𑣌𑣏𑣃𑣆𑣀𑣌𑣉𑢨 𑣗𑣊𑣀𑣁𑣁𑣌𑣉Ù. 𑢴𑣂𑣅𑣃𑣜𑣂 𑣋𑣈 𑣁𑣅𑣄 𑢮𑣅𑣜𑣁-𑣔𑣈𑣝𑣁𑣇𑣚𑣂 𑣜𑣈𑢨 𑣟𑣈𑣗𑣁- 𑣝𑣛𑣁𑣅𑣁. 𑢡𑣅𑣄 𑣟𑣘𑣗𑣔𑣉 𑢹𑣉𑣚𑣊-𑣋𑣃𑣀𑣑𑣁, 𑢽𑣁𑣟𑣀-𑣋𑣃𑢠𑣑𑣁 𑣕𑣈 𑣌𑣉𑣉𑣀𑣑𑣉 𑣏𑣂𑢦 𑣁𑢠𑣌𑣁𑣅𑣁. 𑢴𑣂𑣅𑣃𑣜𑣂 𑣋𑣈 𑣈𑣜𑣈-𑢢𑣌𑣉𑢨 𑣟𑣚𑣁𑣅𑣁. 𑢸𑣂𑣛𑣁-𑣘𑣁𑣀𑣑𑣁𑣌𑣉𑢨 𑣘𑣁𑣍𑣎𑣁𑣅𑣁. 𑢸𑣂𑣛𑣁-𑣘𑣁𑣀𑣑𑣁𑣌𑣉𑢨 𑣟𑣚𑣁 𑣌𑣈𑣅𑣕𑣈 𑣗𑣊𑣀𑣁- 𑣈𑣛𑣄’𑣅 𑣕𑣈𑣅𑣄 𑣋𑣈 ‘𑢸𑣁𑢠𑣑𑣆𑣕𑣂’ 𑣖𑣈𑣓𑣕𑣈𑣗𑣃 𑣖𑣈𑣕𑣆𑣅𑣁. 𑢴𑣂𑣅𑣃𑣜𑣂 𑣋𑣈 𑣌𑣒𑣗-𑣕𑣃𑣜𑣃𑣗 𑣕𑣈 𑣗𑣊𑣀𑣁-𑣗𑣃𑣜𑣃 𑣜𑣈, 𑢶𑣁𑣊-𑣗𑣃𑣜𑣃 𑣏𑣂 𑢫𑣆𑢠𑣝𑣂𑣜𑣂, 𑢴𑣈𑣝𑣇𑣚𑣂, 𑢮𑣅𑣜𑣁, 𑣓𑣋𑣈-𑣈𑣜𑣁, 𑣗𑣂𑣀𑣔𑣂-𑣈𑣜𑣁𑣌𑣉, 𑢷𑣃𑣜𑣃 𑣗𑣋𑣂𑣅𑣁, 𑢸𑣇𑣆𑣀 𑣈𑣖𑣓𑣌𑣉𑢨 𑣖𑣓𑣁𑣕𑣂𑣊 𑣆𑣜𑣂 𑣕𑣑𑣌𑣉𑣟. 𑢶𑣄-𑣓𑣖, 𑣏𑣚𑣃𑣄-𑣓𑣖, 𑣟𑣓𑣁𑣖 𑢹𑣗𑣊𑣋𑣁-𑣗𑣃𑣜𑣃𑣌𑣉𑢨 𑣋𑣓𑣁𑣕𑣂𑣊 𑣕𑣑𑣌𑣉𑣟. 𑢳𑣈𑣌𑣉𑣔𑣉 𑣖𑣂𑣆 𑣟𑣂𑣜𑣖𑣁 𑣜𑣈 𑣖𑣂𑣟𑣁 𑣋𑣈𑢨 𑣖𑣓𑣁𑣕𑣂𑣊 𑣕𑣑𑣌𑣉𑣟. 𑢳𑣈𑣌𑣉𑣟𑣄 𑣟𑣈𑣗𑣁-𑣝𑣛𑣁 𑣜𑣈 𑣋𑣚𑣂𑣑- 𑣗𑣛𑣂𑣄𑣅𑣓 𑣜𑣈𑣔𑣉 𑣙𑣁𑣁𑣕𑣂𑣜𑣁𑣌𑣉, 𑣔𑣁𑣀𑣑𑣈𑣅𑣁𑣌𑣉. 𑢴𑣉𑣜𑣉𑣖 - 𑣔𑣉𑣝𑣕𑣃𑣜 𑢹𑣗𑣊𑣋𑣁-𑣗𑣃𑣜𑣃𑣌𑣉 𑣚𑣂𑣕𑣁- 𑣖𑣀𑣋𑣁𑣚𑣉𑣄𑣁𑣌𑣉. 𑢯𑣓𑣗𑣔𑣉 𑣙𑣂𑣀𑣟𑣁, 𑣏𑣈𑣐𑣒𑣁, 𑣕𑣈𑣊𑣈𑣓, 𑣗𑣓𑣆, 𑣘𑣁𑣀𑣑𑣁, 𑣘𑣂𑣛𑣁, 𑣓𑣎𑣉𑣖, 𑣓𑣟𑣉𑣓, 𑣌𑣛𑣂𑣅𑣁, 𑣎𑣃𑣋𑣃𑣓𑣂 𑣗𑣊𑣋𑣁𑣌𑣉 𑣗𑣉𑣚𑣉𑣟. 𑢳𑣈𑣚𑣌𑣁 𑣕𑣈 𑣙𑣁𑣕𑣃-𑣟𑣁𑣆 𑣜𑣈 𑣕𑣉𑣜𑣉-𑣖𑣁𑣜𑣂, 𑣜𑣉𑣋𑣁-𑣎𑣃𑣋𑣂𑣅𑣁, 𑣜𑣂𑣊𑣋𑣁-𑣁𑣌𑣁𑣚, 𑣗𑣂𑣜𑣍𑣎𑣂𑣌𑣉 𑣈𑣖𑣓 𑣙𑣁𑣟𑣃-𑣔𑣃𑣌𑣃𑣌𑣉 𑣙𑣉𑣗𑣁𑣓𑣁. 𑢹𑣁𑣕𑣃 𑣘𑣉𑣜𑣎𑣁-𑣘𑣆𑣌𑣂𑣌𑣉 𑣗𑣃𑣋𑣂 𑣕𑣈 𑣕𑣆𑣓 𑣚𑣋𑣂𑣑 𑢴𑣂𑣅𑣃𑣜𑣂 𑣅𑣄 𑣋𑣉𑣜𑣉𑣎 𑣇𑣕𑣂𑣟𑣃𑣕𑣂 𑣎𑣃𑣛𑣃𑣜 𑣕𑣓𑣁. 𑢩𑣕𑣉𑣚𑣚 - 𑢹𑣂𑣜𑣚𑣁 𑢴𑣁𑣟𑣜𑣁𑣖 𑢷𑣜𑣔𑣁, 𑢦𑣏𑣄, 𑢮𑣙𑣁𑣜𑣌𑣁𑣓𑣑.